Skip to main content

దృఢమైన శరీరం కోసం విపరీత నౌకాసనం

నౌకాసనం వేసే వారు చదునైన నేలపై సాధన చేయాలి. ఈ ఆసనంలో శరీరం నౌక ఆకారంలో తయారవుతుంది. అందుకే దీనిని నౌకాసనం అంటారు. దీనినే విపరీత నౌకాసనం అని కూడా అంటారు. 


ఆసనం వేయు పద్దతి 


ఉదరం, ఛాతీ భాగం నేలను తాకే విధంగా భూమిపై పడుకోవాలి.
నుదటి భాగం నేలను తాకేటట్టు ఉండాలి.
భుజాలు, పాదాలు వాటి వాటి స్థానాల్లో ఉండేలా చూచుకోవాలి.
భుజాలను ముందుకు చాచాలి.
భుజాలు ఒకదానికొకటి సమాంతరంగా ఉండేలా జాగ్రత్త తీసుకోవాలి.
అరచేతులు కిందకు పెట్టాలి. 
చేతి వేళ్ళ మధ్య యడము ఉండరాదు. ఒకదానికొకటి దగ్గరగా చేర్చాలి. 
నేలపై ఆనించిన నుదటి భాగాన్ని రెండు భుజాలకు మధ్యన ఉండేలా చూసుకోవాలి.
గాలి పీల్చుకుంటూ కాళ్ళు, మెడ, భుజాలు, తల భాగాలను మెల్లగా లేపాలి.
మోచేతులు, మోకాళ్ళు ఎటువంటి పరిస్థితులలో వంచరాదు. 
ఆసన సమయంలో జర్కులు ఉండరాదు.
పై భుజాలు ఖచ్చితంగా చెవులను తాకుతూ ఉండాలి. 
పాదాలు ఒకదానికొకటి తాకుతూ ఉండాలి. 
తలను వీలైనంతగా పైకి లేపాలి.
లేపిన పైభుజాల మధ్య తల ఉండేలా చూసుకోవాలి. 
వీలైనంత బాగా వెనక్కు వంగాలి. 
శరీరం వంచిన విల్లు తరహాలో ఉండాలి.
వంపు అనేది కాలి బ్రొటన వేలు నుంచి చేతి వేళ్ళ వరకు ఉండాలి.
కాలి బ్రొటన వేలు, చేతి వేళ్ళు పరస్పరం సమాంతరంగా అదేస్థాయి ఉండేలా చూసుకోవాలి. 
కింది ఉదరభాగంపై శరీరబరువు సమతుల్యం అయ్యేలా చూసుకోవాలి.
పొత్తి కడుపు కింది భాగం మాత్రమే నేలను తాకి ఉండేలా చూసుకోవాలి. 
మిగిలిన భాగాలు కదలిక ఉండరాదు.
కనీసం 10 సెకనులపాటు శ్వాస బిగపట్టి ఉంచాలి.
మెల్లగా గాలి వదులుతూ ప్రారంభదశకు చేరుకోవాలి. 
శవాసన దశకు చేరుకుని విశ్రాంతి తీసుకోవాలి. 


ఉపయోగాలు 

ఈ ఆసనం వలన ఉదరం, భుజాలు, మెడ, దృఢంగా తయారవుతాయి. 
విపరీత నౌకాసనంతో వెన్నుపూస సంబంధిత లోపాలను సవరించుకోవచ్చు.
ఛాతీ, ఊపిరితిత్తులను విశాలం చేస్తుంది. అలాగే దృఢంగా చేస్తుంది.

Comments

Popular posts from this blog

సూర్యనమస్కారాలతో ఆ సమస్య తగ్గుతుంది...

రకరకాల ఒత్తిళ్లతో బిజీగా ఉండే మహిళలకు ఆరోగ్యవంతమైన జీవితం చాలా ముఖ్యం. మరి అదేలా సాధ్యం... రోజూ తీసుకునే ఆహారాలలో పోషక విలువలు అధికంగా ఉండాలి. అలానే రోజుకో ఆపిల్ పండు తీసుకోవాలి. కొన్ని రకాల వ్యాయామాలతో మహిళలు ఆరోగ్యపరమైన జీవితాన్ని పొందవచ్చును. మరి ఆ వ్యాయామాలేంటో.. ఎలా చేయాలో చూద్దాం... అధిక బరువు గలవారు బరువు తగ్గాలనుకుంటే.. స్క్వాట్స్ వ్యాయామం చేయాలి. ఈ వ్యాయామం చేయడం వలన ఊపిరితిత్తులు, హృదయానికి ఎంతో మేలు చేస్తుంది. తద్వారా బరువు తగ్గుతారు. తరచుగా సూర్యనమస్కారాలు చేయడం వలన నడుము భాగం గట్టి పడుతుంది. అలానే మోకాళ్లపై భాగం దృఢంగా మారుతుంది. జీర్ణవ్యవస్థ పనితీరు మెరుగుపడుతుంది.  ప్లాంక్స్ వ్యాయామం చేస్తే.. కండారాలకు చాలా మంచిది. ముఖ్యంగా ఛాతీ, కటి వలయ భాగం దృఢంగా మారుతుంది. ఈ వ్యాయామంతో రక్తంలోని చక్కెర స్థాయిలు మెరుగుపడుతాయి. తద్వారా శ్వాస తీసుకోవడంలో అడ్డంకులు ఉండవు. అలానే నెలసరి సమస్యలు అదుపులో ఉంటాయి. వ్యాయామం చేయడం వలన ముడతల చర్మం కాస్త తాజాగా మారుతుంది.

కాయకల్ప యోగ భంగిమ దశలు మరియు ఉపయోగాలు

కాయకల్ప యోగ విధానం అనేది యోగ ప్రక్రియలో అత్యంత ప్రశంసనీయమైనది, జీవన శక్తిని మెరుగుపర్చడానికి ఈ యోగ విధానంను అభ్యసించడం జరుగుతుంది. కాయకల్ప యోగ భంగిమల ప్రాథమిక లక్ష్యం- శరీర విధానాన్ని గాడిలో పెట్టడం, సహజంగానే వృద్దాప్య ప్రక్రియను మందగింపచేసి, జీవిత కాలాన్ని పెంచుతుంది. యోగ అనేది భౌతిక జీవితం మరియు స్మారక స్థితితో కూడుకొని ఉంటుంది. కాయకల్ప యోగ విధానంను సాధన చేయడం ద్వారా లైంగిక శక్తిని ఆధ్యాత్మిక శక్తిలోకి రూపాంతరం చెందించవచ్చు. కాయకల్ప యోగ విధానం యొక్క నియమావళి కాయకల్ప యోగ, నరాలు సరైన విధంగా పని చేయడానికి మరియు శరీర కేంద్ర నాడీ వ్యవస్థని బలోపేతం చేయడానికి సహాయపడుతుంది. యోగ పద్దతిలో "క్రౌన్ చర్కా" అనే ఆసనం వుంటుంది, దీనిని నుదుటి మధ్య భాగంలో ఉంచుతారు అది శక్తి ప్రవాహంపై ప్రభావం చూపుతుంది. ఈ సాధనను ఆచరించడం వలన మనం ఆరోగ్యకరమైన శరీరంతో పాటు ప్రశాంతమైన మనస్సు కలిగి ఉండేలా ప్రోత్సహిస్తుంది. క్లుప్తంగా చెప్పాలంటే, కాయకల్ప నియమావళి వలన సాధకుడు శరీర దారుడ్యం మరియు ఆధ్యాత్మికంగా కూడా సంతృప్తి పొందేలా చేస్తుంది. కాయకల్ప యోగ భంగిమల అనుసరణ     కాయకల్ప యోగ శ్వాససంబంధిత వ్యాయామాలత...

12 ఆసనాలతో సూర్య నమస్కారం... ఎలా వేయాలి? ఫలితాలు ఏమిటి...?

సూర్యనమస్కారం పలు యోగాసనాల మేలు కలయిక. ఈ ఆసనాన్ని ఏ వయస్సులోని వారైనా వేయవచ్చు. దీని వలన శారీరకంగానూ, మానసికంగానూ ఉపయోగంగా ఉంటుంది. సూర్యనమస్కారం 12 ఆసనాలతో కలసి ఉంటుంది.  ఆసనం వేయు పద్ధతి... నిలబడిన స్థితిలో కాళ్ళను పరస్పరం దగ్గరకు తీసుకు రావాలి. భుజాలను చక్కగా పైకి తీసుకు రావాలి. తలకుపైకి తీసుకు వచ్చిన అరచేతులను కలపాలి. ఆలాగే ముఖం ఎదుటకు తీసుకువచ్చి నమస్కారం చేసే స్థితికి రావాలి. కలిపిన చేతులు ఛాతీ వద్ద ఉండేలా చూసుకోవాలి. గాలిపీల్చుకుంటూ భుజాలను పైకి తీసుకురావాలి. చెవులను తాకుతూ ఉండాలి. మెల్లగా చేతులను వెనకవైపుకు తీసుకురావాలి. వీలైనంతగా తలను వెనక్కు వంచాలి. మెల్లగా గాలి వదులుతూ ముందుకు వంగాలి. చేతులను సమాంతరంగా ఉంచుతూ నేలను తాకాలి. ఈ సమయంలో తల మోకాలిని తాకుతూ ఉండేంతవరకూ తీసుకురావాలి. ఈ స్థితిలో కొన్నిసెకనులు అలాగే ఉండాలి. దీనినే పాద పశ్చిమోత్తాసనం అంటారు. గాలి పీల్చుతూ కుడికాలును వెనక్కు తీసుకురావాలి. వీలైనంత వెనక్కు ఉండేలా చూడాలి. ఈ స్థితిలో తలపైకెత్తాలి. కొన్ని సెకనలు ఈ స్థితిలో ఉండాలి. మెల్లగా గాలి వదులుతూ అదే విధంగా ఎడమ కాలిని వెనక్కు తీసుకురావాలి. పాదాలు రెండూ పక్కపక్క...