మానసిక ఒత్తిడితో రకరకాల జబ్బులు సునాయాసంగా మన శరీరంలోకి చేరుకుంటాయి. దీంతో లేనిపోని ఇబ్బందులు తలెత్తుతాయి. విపరీతమైన పని ఒత్తిడివల్ల, మానసికమైన ఒత్తిడులతో ఏ పనీ చేయడానికి మనస్కరించదు. మానసిక ఒత్తిడిని దూరం చేసుకోవడానికి భ్రమరి అనే వ్యాయామం చేస్తే మానసిక ఒత్తిడిని తగ్గించి, నిద్రలేమిని, గుండె సమస్యలను, అధిక రక్త పోటును పరిష్కరిస్తుందంటున్నారు యోగా నిపుణులు. ఈ భ్రమరి వ్యాయామాన్ని క్రమం తప్పకుండా చేస్తే జ్ఞాపక శక్తికూడా పెరుగుతుందని తెలిపారు.
** చేయండిలా..
కూర్చుని కళ్ళుమూసుకుని, చెవులను చూపుడువేళ్ళతో మూసుకుని గాలిని గట్టిగా లోపలికి పీల్చండి. గాలిని బయటికి వదిలేటప్పుడు మీ గొంతునుండి తుమ్మెద ఎగిరేటప్పుడు వచ్చే శబ్దం తెప్పించండి. ఇలా రోజుకు ఐదుసార్లు చేయండి.
తుమ్మెద ఎగిరే శబ్దం వస్తుందికాబట్టే ఈ యోగాకు భ్రమరి అనే పేరు వచ్చిందంటున్నారు నిపుణులు.
Comments
Post a Comment