ఎసిడిటీ నుండి ఉపశమనం కలిగించే 4 యోగాసనాలు

ఆహారాన్ని తీసుకున్న ప్రతిసారి జీర్ణశయ సంబంధిత సమస్యలకు గురవటం లేదా వీటికి దూరంగా ఉండటం వంటివి జరుగుతాయి. ఏ రకమైన ఆహారం తీసుకుంటున్నాం, ఏ విధంగా తీసుకున్నాం మరియు ఏ సమయంలో తీసుకున్నాం వంటి చాలా రకాల ముఖ్య విషయాలు మన ఆరోగ్యాన్ని ప్రభావిత పరుస్తాయి. అనారోగ్యకర ఆహార సేకరణ వలన గురయ్యే వ్యాధుల పట్టిక పెద్దదిగానే ఉందని చెప్పవచ్చు. అజీర్ణం వలన కలిగే సమస్యనే ఎసిడిటీగా పేర్కొంటారు మరియు జీర్ణాశయ సమస్యలలో ఇది ఒకటని చెప్పవచ్చు.

జీర్ణాశయంలో జఠర రసాలను ఉత్పత్తి అధికం అవటం వలన ఎసిడిటీ కలుగుతుంది. ఆమ్ల గాడతలను కలిగిన ద్రవాల ఉత్పత్తి అధికం అవటం ఆరోగ్యానికిని మంచిది కాదు. ఇలాంటి ద్రవాలు జీర్ణాశయ లోపలి పొరను సాంద్రతను కరిగించి, అల్సర్ మరియు జీర్ణాశయ సంబంధిత వ్యాధులకు కారణం అవుతాయి. 

అయినప్పటికీ, ఇతర వ్యాదులను నయం చేసినట్లే, యోగ ఇలాంటి సమస్యల నుండి ఉపశమనం కలిగిస్తుంది. యోగాభ్యాసనాలతో పాటుగా, ఆహారపు అలవాట్లలో మార్పులు చేయటం వలన మీరు అసిడిటీ లాంటి సమస్యలనుండి ఉపశమనాన్ని పొందటమే కాకుండా, ఇలాంటి సమస్యల నుండి శాశ్వత పరిష్కారం పొందవచ్చు. ఈ క్రింద ఉదాహరించబడిన యోగాసనాలు జీర్ణక్రియ ప్రక్రియను సమతుల్య స్థాయిలో నిర్వహించేలా ప్రోత్సహిస్తాయి.
సుప్త బధ కోనాసన లేదా రిక్లైండ్ బౌండ్ యాంగిల్

ఈ యోగాసనం మీ జీర్ణక్రియకు మద్దతుగా చేకూరుస్తుంది. ఈ ఆసనం కడుపులోని వాయువులను భయటకి పంపేలా చేసి తీవ్రమైన ఎసిడిటీ సమస్యల నుండి ఉపశమనం కలిగిస్తుంది. గర్భంతో ఉన్న స్త్రీలు మరియు భుజ ప్రాంతంలో గాయాలు కలిగిన వారు ఈ యోగాసనం అనుసరించటం శ్రేయస్కారం కాదు.
సేతు బంధాసన లేదా బ్రిడ్జి ఫోస్

మీరు అనుసరించే అనారోగ్యకర ఆహార సేకరణ వలన జీర్ణాశయ గోడల లోపలి వైపు ఉన్న పొరపై ప్రతికూల ప్రభావాలను మరియు ఒత్తిడులను కలుగచేస్తాయి. ఈ విధంగా కలిగిన ఒత్తిడి, ఎసిడిటీని నిర్మూలలించటం చాలా ముఖ్యం. వెనుకకు వంగే ఈ రకమైన యోగాసనంను అనుసరించటం వలన శారీరక మరియు మానసిక విశ్రాంతిని పొందుతారు.

హలాసన లేదా నాగలి ఆసనం

ఎసిడిటీ నుండి ఉపశమనం కలిగించుటలో ఈ రకం ఆసనం అత్యంత ఉపయోగకరమని చెప్పవచ్చు. ఈ ఆసనం మీ మానసికంగా మరియు శారీరకంగా విశ్రాంతి చేకూర్చటమే కాకుండా జీర్ణాశయంలో ఉత్పత్తి చెందే జఠర రసాలను గణనీయంగా తగ్గించి ఎసిడిటీ సమస్యల నుండి ఉపశమనం కలిగిస్తుంది.
వజ్రాసనం

భోజనం చేసిన వెంటనే ఈ ఆసనాన్ని అనుసరించటం వలన, జీర్ణాశయ సంబంధిత భాగాలకు మరియు పేగులలో రక్త ప్రసరణను అధికం చేసి, జీర్ణక్రియ ప్రక్రియను మెరుగుపరుస్తుంది. రోజు ఈ ఆసనాన్ని అనుసరించటం వలన పూర్తి జీర్ణ వ్యవస్థ శుభ్రపరబడుతుంది. కావున, ప్రతిరోజు భోజనం అనంతరం ఈ ఆసనాన్ని కనీసం 10 నుండి 15 నిమిషాల పాటూ అనుసరించటం మీ జీవనశైలిలో ఒక అలవాటుగా మార్చుకోండి.