వెన్నుభాగంలో కలిగే నొప్పిని తగ్గించే యోగాసనాలు

నిలకడ స్థితిలో పని, లేదా కదలిక లేని జీవన విధానాల వలన వెన్నెముకలో, ముఖ్యంగా కింది భాగంలో నొప్పి కలగటం చాలా సాధారణం. తప్పుడు భంగిమ, చైతన్యరహిత జీవనం, ఎక్కువ సమయం కూర్చిని పని చేయటం, పోషకాహర లోపం వలన వెన్నుముక కింది భాగంలో నొప్పిని కలుగచేసే కారణాలుగా చాలా మంది చెబుతుంటారు. ఇది నిజమే, వీటి వలన భవిష్యత్తులో వెన్ననొప్పి కలగవచ్చు. ఇలాంటి సమస్యలు కలిగి ఉన్నా లేదా భవిష్యత్తులో ఈ నొప్పి భారినపడకుండా ఉండాలంటే ఇక్కడ తెలిపిన యోగా భంగిమలను అనుసరించండి. కానీ, వీటిని అనుసరించే ముందు నిపుణుల సహాయాన్ని తీసుకోండి. వెన్నుముక కింది భాగంలో నొప్పిని తగ్గించే యోగాసనాలు/వ్యాయామాలు ఉక్కడ తెలుపబడ్డాయి.

భుజంగాసనం

దీనినే 'కోబ్రా' భంగిమ అని కూడా అంటారు, ఈ యోగాసనం వలన వెన్నుముక భాగంలో కలిగే నొప్పులు తగ్గటమే కాకుండా, వెన్నెముక వశ్యతను (వంగేగుణాన్ని) కూడా పెంచుతుంది. ఈ ఆసనాన్ని అనుసరించే పద్దతి ఇక్కడ తెలుపబడింది.

    ఈ రకమైన భంగిమలో, స్వతహాగా శరీరాన్ని వంచాలి, అనగా నుదురు భాగం భూమికి అనుకునేలా నేలపై పడుకోండి.
    ఆ తరువాత మీ అర చేతులను నేలపై ఉంచి శరీర సగభాగాన్ని లేపండి, మీ కాళ్ళను అలానే చాపి, పైన పటంలో తెలిపిన విధంగా కాలి యొక్క బొటన వేలును నెలకు తాకి ఉంచండి.
    ఈ భంగిమను చేసే సమయంలో గాలిని పీల్చి, వదలండి.
    ఈ భంగిమ చూడటానికి పాము వాలే ఉండటం వలన కోబ్రా భంగిమ అని కూడా అంటారు.
    ఇలా చేయటం వలన వెన్నెముక నరాలపై ప్రభావం పడి, నొప్పులను మరియు యాత్ర అన్ని సమస్యలను తగ్గించి వేస్తుంది.

బ్రాహ్మ ముద్ర

దీన్ని శ్వాస సంబంధిత యోగాసనం అని చెప్పవచ్చు మరియు గాలిని పీల్చుకుంటూ, తలను తిప్పే వ్యాయామం. ఈ ఆసనాన్ని అనుసరించే విధానం కింద తెలుపబడింది.

    ఒక చదునైన నేలపై కూర్చోండి, ఈ వెన్ను భాగాన్ని నిటారుగా ఉంచండి. (ధ్యాన భంగిమలో)
    కానీ మీ చేతులను తొడపై ఉంచకండి.
    ఇపుడు నెమ్మదిగా గాలి పీలుస్తూ, తగిన విధంగా తలను కుడి/ ఎడమ వైపు తిప్పండి.
    అదేవిధంగా, గాలిని వదులుతూ తలను అదే స్థానానికి తీసుకురండి.
    ఇలా చేసే సమయంలో గాలి పీలుస్తూ తలను పక్కకు తిప్పిన తరువాత, ఊపిరి బిగబట్టి 10 అంకెలను లెక్కించండి.
    తరువాత తిరిగి మామూలు స్థానానికి తలను తీసుకురండి.
    ఇదే పద్దతిలో తలను పైకి, కిందకు కదపండి.
    ఈ ఆసనం వలన కండరాలు ఒత్తిడికి గురయ్యి, విశ్రాంతి దశకు చేరతాయి.
    ఇలా రోజులో కొన్ని సార్లు చేయటం వలన మంచి ఫలితాలను పొందుతారు.

సుప్త హస్త పదాంగుస్టాసన

నిశ్చల జీవన శైలిని అనుసరించే వారికి, వెన్నెముక నొప్పులతో భాదపడే వారికి ఇదొక మంచి ఆసనం చెప్పవచ్చు. ఈ ఆసనాన్ని అనుసరించాల్సిన విధానం ఇక్కడ తెలుపబడింది.

    శ్వాసను పీల్చుకుంటూ, మీ రెండు చేతులను పక్క వైపుగా చాచండి.
    తరువాత, మీ కుడి కాలును పైకి లేపి, కుడి చేతుతో అందుకోండి.
    తిరిగి సాధారణ స్థితికి వచ్చాకా, మీ ఎడమ కాలిని కూడా, ఎడమ చేతితో అందుకోండి.

పైన తెలిపిన అన్ని రకాల ఆసనాలు, వెన్నెముక నొప్పిని తగ్గిస్తాయి కానీ, ఇక్కడ తెలిపిన ప్రతి ఆసనం ప్రత్యేక విశిష్టతతో పాటూ, అవసరాలను కలిగి ఉంది. ఈ యోగాసనాలను అసుసరించే ముందు యోగా నిపుణుల దగ్గర ప్రత్యేక శిక్షణ అవసరం. అంతేకాకుండా, యోగా వలన మీ శరీరం సౌకర్యంగా ఉందో, లేదో అని వైద్యుడిని అడిగి తెలుసుకోండి.